రూరల్ పారిశ్రామికవేత్తలను గుర్తించేందుకు  'ది అమర రాజా బెటర్ వే అవార్డ్స్'ను ప్రారంభించిన అమర రాజా గ్రూప్స్

Famous TV - వ్యాపారం / : తిరుపతి,26.09.2023 : 1.75 బిలియన్ డాలర్ల అంతర్జాతీయ సంస్థ , అమర రాజా గ్రూప్, 'ది అమర రాజా బెటర్ వే అవార్డ్స్'ని ప్రారంభిస్తున్నట్లు ప్రకటించింది. ఈ ప్రతిష్టాత్మక అవార్డులను  భారతదేశం లో గ్రామీణ ప్రాంతాలకు చెంది , వినూత్న వ్యవస్థాపకత రంగంలో  ప్రత్యేకంగా నిలుస్తున్న అసాధారణ వ్యక్తులు మరియు సంస్థలను గుర్తించి, గౌరవించేలా రూపొందించబడ్డాయి. ‘మెరుగైన అవకాశాలకు మెరుగైన ప్రాప్యతను అందించే సంస్థలను నిర్మించడం ద్వారా ప్రజల జీవన నాణ్యతను మెరుగుపరచడానికి’ అంకితభావంతో కృషి చేస్తున్న వారిపై ఈ అవార్డులు దృష్టి కేంద్రీకరించాయి.   గ్రామీణ సాధికారత మరియు ఉపాధి కల్పనకు ప్రతి రూపం గా ఈ గ్రూప్ ఉంది, 'ది అమర రాజా బెటర్ వే అవార్డ్స్' సైతం,  నిరంతరం ఎక్కువ మంది వ్యక్తులకు మెరుగైన అవకాశాలను అందించడానికి , సరిహద్దులను  అధిగమించటం  మరియు కొత్త మార్గాలను రూపొందించడం వంటి గ్రూప్ యొక్క శాశ్వత గుర్తింపుతో ప్రతిధ్వనిస్తాయి. తమ పట్టణ సహచరులతో పోల్చితే, గ్రామీణ ప్రాంత పారిశ్రామికవేత్తలు, మద్దతు మరియు ప్రోత్సాహం పరంగా  తరచుగా సమాజంలోని అన్ని వర్గాల నుండి అవరోధాలను ఎదుర్కొంటారు. భారతదేశం లో  60 మిలియన్లకు పైగా గ్రామీణ పారిశ్రామికవేత్తలు వున్నారని ఒక  అంచనా.  వీరిలో చాలామంది  పరిమిత వనరులు  మరియు సరైన  మార్గదర్శకత్వం లేకపోవడం వల్ల  తమ  వినూత్న  ఆలోచనలకు వాస్తవ రూపం అందించటంలో అవరోధాలను ఎదుర్కొంటున్నారు. ఈ వ్యవస్థాపకులు బుద్ది కుశలత  ప్రదర్శించడమే కాకుండా ఆర్థిక వృద్ధి, ఉద్యోగ కల్పన మరియు సమాజ పురోభివృద్ధిని నడిపించడంలో అనివార్యమైన పాత్రనూ  పోషిస్తున్నారు.   ఈ అవార్డు ల కోసం  దరఖాస్తు ప్రక్రియ ఇప్పుడు ప్రారంభించబడింది, దరఖాస్తు ను సమర్పించటం కోసం గడువు 31 అక్టోబర్ 2023 గా నిర్ణయించటం జరిగింది.  న్యాయ నిర్ణేతల బృందం ఈ సంస్థలను వారి సామాజిక మరియు సమాజ ప్రభావాన్ని, అలాగే స్థానిక ఉపాధి అవకాశాలను సృష్టించడంలో వారి పాత్రను పరిగణనలోకి తీసుకోవడం ద్వారా మూల్యాంకనం చేస్తుంది. విజేతలను డిసెంబర్ 1 నాటికి ప్రకటించనున్నారు మరియు డిసెంబర్ 20న అమర రాజా 38వ వ్యవస్థాపక దినోత్సవ వేడుకల సందర్భంగా ఎంపికైన సంస్థలు, వ్యక్తులు తమ అవార్డులను అందుకుంటారు. అవార్డు కేటగిరీలు: • మహిళా ఉపాధి కోసం అమర రాజా బెటర్ వే అవార్డు • గ్రామీణ ఆదాయ ఉత్పత్తికి అమర రాజా బెటర్ వే అవార్డు • ఉత్తమ వ్యవసాయ ఆధారిత వ్యాపారానికి అమర రాజా బెటర్ వే అవార్డు అర్హత ప్రమాణం: • తప్పనిసరిగా నమోదిత మరియు గుర్తింపు పొందిన వ్యాపార సంస్థ అయి ఉండాలి • మార్కెట్‌లో తమ ఉత్పత్తులు/సొల్యూషన్‌లు/సేవలను అందించాలి • స్థానిక కమ్యూనిటీలకు ఉపాధి అవకాశాలను కల్పించడంలో నిరూపితమైన ట్రాక్ రికార్డ్ కలిగి ఉండాలి • గత 3 సంవత్సరాలలో క్లీన్ ఫైనాన్షియల్ రికార్డ్ కలిగి ఉండాలి • తాజా ఆర్థిక ఆడిట్ స్టేట్‌మెంట్‌ను అందించడం, సహేతుకమైన రాబడి వృద్ధిని ప్రదర్శించడం మరియు గణనీయమైన సామాజిక ప్రభావం కోసం సంభావ్యతను ప్రదర్శించడం అవసరం ఈ అవార్డులను ప్రకటిస్తూ, అమర రాజా గ్రూప్  కో-ఫౌండర్ మరియు చైర్మన్ శ్రీ జయదేవ్ గల్లా మాట్లాడుతూ, “రూ. 3 లక్షల నగదు బహుమతితో పాటు, అవార్డు విజేతలు ఒక సంవత్సరం పాటు  వ్యాపార అభివృద్ధి, ఆర్థిక, సప్లయ్‌ చైన్  మరియు మానవ వనరులు తో సహా సమగ్ర మెంటర్‌షిప్ ప్రోగ్రామ్‌కు అర్హత  పొందుతారు. విజేతలు తమ విజయ పథాన్ని కొనసాగించడంలో సహాయపడటానికి కొనసాగుతున్న మద్దతు మరియు మార్గదర్శకత్వం కూడా విస్తరించబడుతుంది. భౌగోళిక హద్దులు ద్వారా అవకాశాలు పరిమితం కానట్టి  భారతదేశాన్ని సృష్టించాలని మేము ఆశిస్తున్నాము.." అని అన్నారు.  అర్హత గల వ్యక్తులు/సంస్థలు www.amararaja.com/about/amararaja-awardsలో ఆన్‌లైన్‌లో దరఖాస్తు చేసుకోవాలి

లోకల్ యాడ్స్